ഓണപ്പാട്ട്

ഓണപ്പാട്ട്

××××××××××××××××××××××

മന്ദാരപ്പൂവിതൾത്തുമ്പിലിരുന്നൊരാ

മധുകണമെന്തേ ചിരിച്ചൂ ,

മധുകണമെന്തേ ചിരിച്ചൂ ?

പൂവായ പൂവെല്ലാം പാറിനടക്കുമാ 

പൂത്തുമ്പി പ്രണയം പറഞ്ഞോ, 

പൂത്തുമ്പി പ്രണയം പറഞ്ഞോ?

ഉത്രാടചന്ദ്രിക പനിമഴ പെയ്യുന്നോ? 

ഭൂമിക്കു നെഞ്ചം കുളിർക്കാൻ

ഭൂമിദേവിക്കു നെഞ്ചം കുളിർക്കാൻ

                                         ( മന്ദാര )

മീൻതൊട്ടൊരഞ്ചാമൻ പാദചലനങ്ങൾ ഭൂമിയിൽ രാഗം പകർന്നോ?

ആലോലമാടിയും പനിനീരു -  പൂശിയുമാമന്ദമരുതൻ വന്നോ? 

ആമന്ദമാരുതൻ വന്നോ?

                             (മന്ദാര)

അരുണോദയത്തിന്റെ രാഗം നിറഞ്ഞതോ മുക്കുറ്റി മെല്ലേ ഹസിച്ചൂ, 

ഭൂമിയിൽ മുക്കുറ്റി വർണ്ണം പടർന്നൂ

                                ( മന്ദാര )

ആരമ്യരമ്യവും തുമ്പക്കുടങ്ങളും സൂര്യനെ പുണരാൻ കൊതിക്കേ

വയലേലതന്നിലെ പൊൻകതിർത്തുമ്പുകൾ

നാണം നിറഞ്ഞു കുനിഞ്ഞോ? 

പൂവിളി പാട്ടുകൾ കേട്ടോ?

                           (മന്ദാര)