ഇതാ രാധ (കവിത)

ഇതാ രാധ
**********
കണ്ണനെ കാണുവാൻ രാധയിരുന്നോരാ
കാളിന്ദിത്തീരം കഥപറയും

കൂട്ടരുമൊത്തെന്നും ഗോക്കളെ മേയ്ക്കുന്ന
ഗോപാലൻതൻ്റെ കഥപറയും

കാളിയഗർവ്വത്തെ കാലനം ചെയ്തൊരാ
കാല്ച്ചിലമ്പിൻ്റെ കഥപറയും

ഗോവർദ്ധനഗിരി കൈകളിലേന്തിയ
ഗോവിന്ദൻതൻ്റെ കഥപറയും

രാധതൻ ഹൃത്തിലായ് പൂത്തുനിന്നുള്ളോരാ
രാഗന്ധിപ്പൂവിൻ കഥപറയും

പ്രാണൻ്റെ പ്രാണനായ് രാധ പ്രണയിച്ച
പ്രേമാനുരാഗ കഥപറയും

ദ്വാരക തന്നിലെ പൊന്നൊളി കണ്ടപ്പോൾ
താശിമറന്ന കഥപറയും

വിണ്ടലം പോലുള്ള മന്ദിരം കണ്ടപ്പേൾ
വീടുമറന്ന കഥപറയും

മൊഞ്ചുള്ള പെണ്ണുങ്ങളെട്ടെണ്ണം വന്നപ്പോൾ
തഞ്ചത്തിൽ രാധയെ വിട്ടു കണ്ണൻ

കണ്ണനെ കാണുവാൻ രാധയിരുന്നോരാ
കാളിന്ദിത്തീരം കഥപറയും

കണ്ണനെ മാറിൻ്റെയുള്ളിൽ പ്രതിഷ്ഠിച്ച
കാമിനിതൻ്റെ കഥപറയും

കണ്ണൻ പിരിഞ്ഞതാൽ പാടാൻ മറന്നൊരാ
കോലകുഴലിൻ കഥപറയും

കണ്ണന്റെ  വേണു  ചുരത്തിടും നാദത്തെ
കേൾക്കാതെ ഗോക്കളുമക്ഷമരായ്

വൃന്ദാവനത്തിലെ ജാലകമൊക്കെയും
വന്ധ്യയെന്നോണം തലകുനിച്ചോ?

കണ്ണനെ കാണാതെ നെഞ്ചകം വിങ്ങുന്ന
കായമ്പുവർണ്ണയാമായർപ്പെണ്ണിൻ

രാഗം മറന്നിട്ടു കൊട്ടാരം പൂകിയ
രാമകനീയാനു മാപ്പു നല്കും

നാരീകുലത്തിലെയുത്തമയായുള്ള
നാരീമണി രാധേ! കുമ്പിടുന്നേൻ.
(മൂത്തേടം)