കാലം തെറ്റി ( കവിത)

.
കാലംതെറ്റി
***********
പ്രണയം പരത്തും മനസ്സേ മടങ്ങുക
പ്രായം നിനക്കനുയോജ്യമല്ല.
നാമംജപിച്ചു, കാലനെ കാക്കാതെ
കാലംകഴിക്കുന്നതാർക്കുവേണ്ടി?
കാലംകഴിഞ്ഞു, പെയ്യുന്ന വർഷമേ
നിനക്കാകില്ലവനിയിൽ നന്മ ചെയ്യാൻ.
കാലംകഴിഞ്ഞുദിക്കുന്ന രാഗമേ
നിനക്കാകില്ല പ്രണയത്തിനൊളിപകരാൻ.
നഷ്ടസ്വപ്നങ്ങളെ പണിയുവാനായെൻ
നഷ്ടപ്രണയമേ, ഉദിക്കല്ലേ വീണ്ടും.
പുലരിയിലുദിക്കേണ്ട രാഗാർദ്രമാനസം
അന്തിയിലുദിച്ചാലതു തവറുതന്നെ....
പ്രായം തീർത്തൊരാ വേലികൾക്കപ്പുറം
മരണമെന്നുള്ളൊരു നിത്യസത്യം.
പറുദീസനഷ്ടത്തെ ഉണ്മയെന്നുണർന്നിടാം
ചെംറോജാവളയങ്ങൾ നെഞ്ചിലുമേറ്റിടാം.
മടങ്ങുന്നു ഞാന്നെൻ പ്രായം വിധിച്ചൊരു
കർമ്മങ്ങൾക്കയുള്ള ഭൂമി തേടി.
വീണ്ടും മരുവായി മാറ്റണം മനസ്സിനെ
കള്ളിമുൾമാത്രം വിരിയേണമെന്നുമേ!!!!
മൂത്തേടം